“Circus Sea Breeze” unikal “Buffalo Show” ilə payız mövsümünü açacaq.
Bakuplus.az xəbər verir ki, sirk oktyabrın 29-da “Oskar” mükafatı laureatı Allahverdi İsrafilovun təşkilatçılığı ilə baş tutacaq.
İlk tamaşa xeyriyyə xarakteri daşıyacaq. Sirkin qonaqları valideyn himayəsindən məhrum və sağlamlıq imkanları məhdud uşaqlar, həmçinin şəhid ailələri və Qarabağ müharibəsi veteranlarının uşaqları olacaqlar.
Keniya, Rusiya, Ukrayna, Almaniya və Belarus sirk sənətinin ulduzları öz inanılmaz akrobatik fəndləri ilə arenada ustalıqlarını nümayiş etdirəcəklər.
Tamaşaçılar ilk dəfə unikal şounun şahidi olacaqlar. Sirkdə ayılar və itlər çıxış edəcəklər.
Biletlər şəhərin kassalarında və “iticket.az” saytında satışdadır. Biletlərin qiymətləri 10 manatdan başlayır.
Tamaşaçıların rahatlığını təmin etmək məqsədilə metronun “Koroğlu” stansiyasından sirkin ərazisinə və şoudan sonra geri pulsuz avtobuslar təşkil ediləcək.
