1992-ci il fevralın 25-dən 26-na keçən gecə SSRİ dövründə Xankəndi şəhərində yerləşdirilmiş 366-cı motoatıcı alayının zirehli texnikası və hərbi heyətinin köməkliyi ilə erməni silahlı birləşmələri Xocalı şəhərini işğal etmişdir. Onlar Xocalını yerlə-yeksan edərək, şəhərin dinc əhalisinin üzərinə ağır hərbi texnika yeridib, onlara qarşı soyqırım törətdilər.
Xocalı soyqırımı 1988-ci ildən başlamış Ermənistan-Azərbaycan, Dağlıq Qarabağ münaqişəsinin ən qanlı faciəsi olmuşdur. Faciə nəticəsində 613 nəfər həlak olmuşdur: onlardan 63-ü uşaq, 106-sı qadın, 70-i qoca idi. 8 azərbaycanlı ailəsinin bütün üzvləri qətlə yetirilmişdir. 25 uşaq hər iki valideynini, 130 uşaq isə valideynlərindən birini itirmişdir. Yaralıların sayı 487 nəfər, əsir götürülənlərin sayı isə 1275 idi. 150 nəfər, o cümlədən 68 qadın və 26 uşaq itkin düşmüşdür və onların taleyi barədə bu günədək heç bir məlumat yoxdur.
Milli Məclis 24 fevral 1994-cü ildə 26 Fevral gününü Xocalı Soyqırımı Günü elan edib.
[video width="1080" height="1080" mp4="https://bakuplus.az/wp-content/uploads/2023/02/b-u.mp4"][/video]
