4 fevral 1921-ci ildə elm xadimi Lütfi Zadə anadan olub. O, Bakının Novxanı kəndində dünyaya gəlib.
1959-cu ildən Kaliforniyanın Berkli Universitetində professor, 1963-cü ildən Elektrik mühəndisliyi və kompüter elmləri kafedrasının rəhbəri, daha sonra isə Soft Computing İnstitutunun direktoru kimi fəaliyyət göstərmişdir. Həmin universitetdə ömürlük professor statusu almışdır.
ABŞ-ın Berkli şəhərində İnformasiya Texnologiyası üzrə Zadə İnstitutu (ZİFİT İnstitutu) yaradılmışdır.
Lütfi Zadə 5 Fundamental elmi nəzəriyyə təklif etmişdir.
O, dünyada əsərlərinə ən cox istinad edilən alim sayılır. Təkcə 1990-2000-ci illərdə onun əsərlərinə 36.000-dən çox istinad edilmişdir.
Bir cox xarici ölkə akademiyalarının üzvü, onlarla xarici dövlət və ictimai təşkilatların fəxri doktoru olmuşdur.
Lütfi Zadə 6 sentyabr 2017-ci ildə vəfat etmişdir.
