Mart hadisələri – 1918-ci ilin 30 mart tarixindən başlayaraq həmin ilin 3 aprel tarixinə kimi davam edən Bakı Soveti qoşunları və silahlanmış ermənilər tərəfindən törədilən soyqırımdır. Hadisə Azərbaycanın müxtəlif bölgələrində, həmçinin Bakı şəhərində baş vermişdir. Nəticədə 100 mindən çoх azərbaycanlı qətlə yetirilmiş, təkcə Bakıda 12 mindən çox insan öldürülmüşdür.
Soyqırım zamanı dinc sakinlər məhz etnik və dini mənsubiyyətlərinə görə qətlə yetirilmişlər. Ermənilər yalnız insanlara deyil, məktəblərə, xəstəxanalara, məscidlərə və mədəni abidələrə də zərər vurmuşlar. Bakının böyük bir hissəsi həmin hadisələrdən sonra xarabalığa çevrilmişdi.
26 mart 1998-ci ildə ümummilli lider Heydər Əliyevin imzaladığı Sərəncama əsasən, 31 Mart - Azərbaycanlıların Soyqırımı Günü olaraq qeyd edilir.
