Xəzər dənizində strateji obyektlərə qanunsuz gedən şəxs tutulub. Bu haqda bu gün, 18 fevral tarixində Bakuplus.az Dövlət Sərhəd Xidmətinə istinadən xəbər verir.
Dənizin Pirallahı rayonu ərazisində 1 ədəd naməlum qayıq Neft Daşlarına doğru hərəkət edib. Bunu görən DSX əməkdaşları dərhal əraziyə gözətçi göndəriblər. Əməkdaşlar əraziyə gəldikdə Neft Daşlarının şimal-qərbində estakadaların arasında 1 nəfərin qayıqda olan bağlamaları estakadanın üzərində olan naməlum şəxsə ip vasitəsilə ötürülməsini görüblər.
Daha sonra həmin şəxs ərazidən qaçmaq üçün Çilov adası istiqamətinə sürətlə hərəkət etməyə başlayıb, lakin qayıq idarəetməni itirərək adanın cənub-şərqində olan estakadaya çarpılıb. Nəticədə qaçan şəxs boynundan xəsarət alıb.
Onun barəsində aparılan araşdırma zamanı məlum olub ki, saxlanılan şəxs 32 yaşlı Pirallahı qəsəbə sakini Panfilov Roman Viktoroviçdir. O, Çilov adasındakı xəstəxanaya yerləşdirilib.
Araşdırmalar davam edir.
