Nərimanov rayonunda saxta nömrə ilə avtomobil sürən şəxs tutulub. Bu haqda bu gün, 29 yanvar tarixində Bakuplus.az Daxili İşlər Nazirliyinə istinadən xəbər verir.
Anar Piriyev 10-KE-815 dövlət qeydiyyat nişanlı nömrəsi olan “Land Rover” markalı avtomobillə yol qaydalarını pozub. O, daha sonra polisin “saxla” əmrinə tabe olmayaraq qaçmaq istəyib.
Saxlanılan zaman avtomobilin dövlət qeydiyyat nişanının əslində 77-AX-540 olduğu məlum olub. A.Piriyev yol hərəkəti qaydalarını pozan zaman məsuliyyətdən yayınmaq üçün saxta nömrədən istifadə edirmiş.
Məhkəmənin qərarı ilə A.Piriyevin sürücülük hüququ 1 il müddətinə məhdudlaşdırılıb və o, 15 sutka inzibati qaydada həbs edilib.
