Bakıda narkotik təsiri altında avtomobil idarə edən sürücülər saxlanılıblar. Bu haqda bu gün, 11 iyul tarixində Bakuplus.az Daxili İşlər Nazirliyinə (DİN) istinadən xəbər verir.
Nərimanov rayonu, Heydər Əliyev prospektində “Hyundai” markalı 10-RM-044 dövlət qeydiyyat nişanlı nəqliyyat vasitəsinin sürücüsü Orxan Abdullazadə və “VAZ-21705” markalı 10-XO-034 dövlət qeydiyyat nişanlı nəqliyyat vasitəsinin sürücüsü Erol Quluzadə avtoxuliqanlıq hərəkətləri etdikləri üçün polis əməkdaşları tərəfindən saxlanılıblar.
Sənədlərin yoxlanılması zamanı sürücülərin hərəkətləri şübhə doğurduğundan onlar tibbi müayinəyə göndəriliblər. Məlum olub ki, O.Abdullazadə və E.Quluzadə narkotik maddə qəbul ediblər.
Sürücülərə protokol tərtib olunub. Məhkəmənin qərarı ilə O.Abdullazadənin və E.Quluzadənin sürücülük hüquqları 1 il müddətinə məhdudlaşdırılıb və onlar 15 sutka inzibati qaydada həbs ediliblər.
[video width="1280" height="720" mp4="https://bakuplus.az/wp-content/uploads/2024/07/video-whatsapp-2024-07-11-v-16.10.43_97fafe2f.mp4"][/video]
