Bakının Nərimanov rayonu, Həsən Əliyev küçəsində gənc qadın kişi tərəfindən avtomobilə zorla mindirilərək naməlum istiqamətdə aparılıb. Bu haqda bu gün, 27 iyul tarixində Bakuplus.az Qafqazinfo-ya istinadən məlumat verir.
Hadisənin şahidləri polisə müraciət ediblər. DİN-in mətbuat xidmətinin əməkdaşı, polis mayoru Anar Qafarov bildirib ki, hadisə iyulun 26-da baş verib. Onun sözlərinə görə, qadınla kişi polis bölməsinə davət olunublar, onlardan izahat götürülüb.
Məlum olub ki, cütlük 5 ildir ki, xaricdə birlikdə yaşayır və Bakıya səfərə gəliblər. Onlar arasında qısqanclıq zəminində mübahisə baş verib və baş verən hadisənin kriminal tərkibi yoxdur. İzahat verdikdən sonra hər iki şəxs sərbəst buraxılıb.
