Bakının Nərimanov rayonu, Faiq Yusifov küçəsində qadın azyaşlı uşaqlarını tək qoyaraq gedib. Bununla bağlı qonşular sosial şəbəkələrdə məlumat yayıblar. Bu haqda bu gün, 28 iyul tarixində Bakuplus.az məlumat verir.
Yerli sakinlərin sözlərinə görə, qadının iki körpə uşağı var. Qadın hər gün evdən çıxaraq gecə saat 01:00-03:00 aralığında qayıdır. Bu zaman uşaqlar balkonda ağlayaraq anasını çağırırlar və yardım istəyirlər. Qonşular uşaqları sakitləşdirməyə çalışsalar da, uşaqlar gecəyə kimi ağlayırlar. Ana ilə danışmaq cəhdləri isə uğursuz qalıb.
DİN-in mətbuat xidmətinin bölmə rəisi Zeyni Hüseynov bildirib ki, sosial şəbəkələrdə azyaşlı uşaqların evdə tək və köməksiz qalması barədə yayılmış görüntülər Daxili İşlər Nazirliyi tərəfindən nəzarətə götürülüb.
Polis əməkdaşları tərəfindən aparılan araşdırmalarla həmin ünvan müəyyən edilib və aidiyyəti dövlət qurumlarının nümayəndələri ilə birlikdə ailəyə baxış keçirilib və onlar İcra Hakimiyyəti orqanına dəvət olunublar. Bundan sonra ailənin yaşam şəraitinə qiymət verilərək yaxşılaşdırılması üçün müvafiq qərar qəbul olunacaq.
View this post on Instagram
