Nərimanov rayonunda yerləşən restoranda qanun pozuntuları aşkarlanıb. Bu haqda bu gün, 27 fevral tarixində Bakuplus.az Qida Təhlükəsizliyi Agentliyinə istinadən xəbər verir.
Rayonun Ə.Rəcəbli küçəsi, ev 3, mənzil 15 ünvanında yerləşən “Sahra Baku” restoranında yoxlamalar aparılıb. Məlum olub ki, işçi heyəti tibbi müayinədən keçməyib, həmçinin üzərində etiket məlumatları qeyd olunmayan, kiflənmə əlamətləri olan məhsulların satışı həyata keçirilir.
Aşkar olunan faktlarla bağlı sahibkar məsuliyyətə cəlb olunub. Araşdırmalar davam edir.
