Bakının Nərimanov rayonunda vəzifəli şəxs sərxoş halda avtomobil idarə etdiyinə görə saxlanılıb. Ba haqda bu gün, 30 yanvar tarixində Bakuplus.az Qaynarinfo-ya istinadən xəbər verir.
“Mercedes Benz S350” markalı avtomobil polis tərəfindən saxlanılıb. Yoxlama zamanı sürücünün sərxoş olduğu ehtimal olunub. Həkim müayinəsindən sonra onun qanında spirtin normadan artıq olduğu məlum olub.
Bu səbəbdən sürücüyə polis tərəfindən protokol tərtib edilib və Nərimanov Rayon Məhkəməsinə göndərilib.
Təqsirləndirilən R.M. ifadəsində ABŞ-dən qonaqları gəldiyinə görə spirtli içki qəbul etdiyini bildirib və protokolla razılaşdığını qeyd edib.
Nərimanov Rayon Məhkəməsinin hakimi Gültəkin Əsədovanın qərarına əsasən, vəzifəli şəxs 400 manat cərimə edilərək sərbəst buraxılıb.
R.M.-in Səhiyyə Nazirliyində şöbə müdirinin müavini vəzifəsində çalışdığı bildirilir.
