Xalq yazıçısı Çingiz Abdullayev Bakının “Neftçi” futbol klubu haqqında danışaraq maraqlı məqamlara toxunub.
Xalq yazıçısı lent.az-a müsahibəsində bildirib ki, bəzi şəxsləri hərbi xidmətdən yayındırıb.
“...ürəyim ağrıyır. Səbəbləri çoxdur. Desəm, gərək kimisə pisləyim. Mən 6 il müşahidə şurasının sədri oldum. Mənim vaxtımda “Neftçi” 3 dəfə 2-ci yerə çıxdı. Bizim üzvlərimiz tanınmış adamlar idi: Fərhad Bədəlbəyli, Zaur Qəhrəmanov və sair. Qurana əl basaram ki, oradan heç birimiz 1 manat belə qazanmamışıq. Bəlkə, əsas səbəb də bu idi... Biz futbolu fikirləşirdik, cibimizi yox. Bir dəfə “Neftçi” uduzanda 2 gün oradan çıxmadım. Düşünürdük ki, necə edək “Neftçi”ni bu böhrandan çıxaraq. Kimin nə problemi var, həll edirdik. Kimisə orduya aparırdılar, zəng edib saxladırdım. Ailəvi problemi olanların problemlərini həll edirdim. Hər futbolçu ilə ayrı-ayrı maraqlanırdım” - xalq yazıçısı bildirib.
