Bakının Qaradağ rayonu ərazisində bir qadının iki naməlum şəxs tərəfindən aldadılaraq 450 manat dəyərində qızıl-zinət əşyasının ələ keçirilməsi barədə polisə müraciət daxil olub.
Daxili İşlər Nazirliyindən Bakuplus.az-a verilən xəbərə görə, Qaradağ rayon Polis İdarəsinin 10-cu Polis Şöbəsi əməkdaşlarının keçirdikləri tədbirlərlə dələduzluq əməlini törətməkdə şübhəli bilinən 35 yaşlı qadın müəyyən olunaraq saxlanılıb.
Digər şəxsin saxlanılması istiqamətində tədbirlər davam etdirilir.
