Məşhur tiktoker Mahirə Marandskayanın cinayət iş üzrə istintaq yekunlaşıb və baxılması üçün məhkəməyə göndərilib.
Bakuplus.az-ın əldə etdiyi məlumata görə, təqsirləndirilən tiktokerin cinayət işi mayın 15-də Abşeron rayon Məhkəməsində hakim Vaqif Həsənovun sədrliyi ilə araşdırılacaq.
24 yaşlı Mahirə Marandskaya Cinayət Məcəlləsinin 243.1 (Gəlir və ya digər fayda əldə etmək məqsədi ilə fahişəliyə cəlb etmə) maddəsi ilə ittiham olunaraq barəsində həbs olmayan qətimkan tədbiri seçilib.
Sözügedən cinayət işində 7 nəfər zərərçəkmiş qadın var. Onların arasında universitet tələbələrinin də olduğu deyilir.
Xatırladaq ki, Mahirə Marandskaya Daxili İşlər Nazirliyinin İnsan Alverinə qarşı Mübarizə Baş İdarəsi tərəfindən saxlanılaraq istintaqa cəlb edilib.
Əgər onun cinayət əməli sübuta yetirilərsə, xanım tiktokeri bir ildən üç ilədək müddətə azadlıqdan məhrum etmə cəzası gözləyir.
Onu da qeyd edək ki, son 1 il ərzində Mahirə Marandskaya eyni cinayət əməlini təkrar edib. O, bundan öncə də Nəsimi rayon məhkəməsinin qərarı ilə eyni ittihamla cinayət məsuliyyətinə cəlb olunub. Himayəsində azyaşlı uşaq olduğundan məhkəmə qərarı ilə cərimə edilmişdi.
Fidan İlqar
