Təhsildən yayınan iki azyaşlı uşaq yenidən tədris prosesinə cəlb olunub. Bu haqda 12 yanvar tarixində Pirallahı Rayonu İcra Hakimiyyəti məlumat verib.
Pirallahı rayonu, Gürgən qəsəbəsində yaşayan əmək qabiliyyəti olmayan A.Rzayeva və A.Hüseynovun övladları 11 yaşlı Aylin Rzayeva və 13 yaşlı Asif Hüseynovun təhsildən yayınmaları faktı qeydə alınmışdır.
Fakt komissiya tərəfindən araşdırılıb və doğruluğu təsdiq olunduqdan sonra hər iki uşağın təhsilə cəlb olunması İcra Hakimiyyəti tərəfindən təmin edilib. Uşaqlar yerdəyişmə ilə Gürgən qəsəbəsində N.S.Teymurov adına 231 nömrəli tam orta məktəbdə təhsillərini davam etdirəcəklər.
Ailə RİH tərəfindən nəzarətə götürülüb və uşaqlar məktəbli formaları və isti geyimlərlə təchiz olunublar.
