Hadisə ilə bağlı yeni faktlar üzə çıxıb. Bu haqda bu gün, 27 iyun tarixində Bakuplus.az Oxu.az-a istinadən məlumat verir.
Verilən məlumata görə, mərhumla qatil həmkəndli olublar. Hər iki şəxs Qazax rayonunun Daş Salahlı kəndindəndir.
Həmçinin Allahverdiyevin müddətdən artıq həqiqi hərbi xidmət hərbi qulluqçusu olduğu üzə çıxıb.
09:44 - DİN Nərimanovda törədilən qətllə bağlı yayılan görüntülərə aydınlıq gətirib - YENİLƏNİB
İyunun 26-da paytaxtın Nərimanov rayonunda qətl hadisəsi törədərək hadisə yerindən qaçan şəxsin sosial şəbəkələrdə mülki şəxslər tərəfindən saxlanılması iddia olunan görüntülər yayılıb. DİN-in Mətbuat Xidmətindən mətbuatın sorğusuna cavab olaraq bildirilib ki, şübhəli şəxsi tərkisilah edən mülki geyimdə olan rütbəli polis əməkdaşıdır. Bu haqda bu gün, 27 iyun tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
09:29 - Bakıda qız üstündə gənc oğlan güllələnərək öldürülüb – VİDEO
Ötən gün, 26 iyun saat 21:00 radalərində Nərimanov rayonunun Ağa Nemətulla küçəsi, 95 ünvanında 24 yaşlı gənc öldürülüb. Bu haqda bu gün, 27 iyun tarixində Bakuplus.az Nərimanov Rayon Prokurorluğuna istinadən məlumat verir.
İlkin məlumata görə, 21 yaşlı İsmayıl Allahverdiyev: "Ya sən öləcəksən, ya mən", - deyərək üzərində olan odlu silahdan atəş açıb və 24 yaşlı Tural Kosayevı qətlə yetirib. Faktla bağlı Cinayət Məcəlləsinin “Qəsdən adam öldürmə” maddəsi ilə cinayət işi başlanıb, Allahverdiyev iş üzrə şübhəli şəxs qismində tutulub. İstintaq davam etdirilir.
Sosial şəbəkələrdə yayılan məlumata görə, hadisə qısqanclıq zəminində baş verib. Şahidlərin sözlərinə görə, mərhumun yanında xanım da olub: "Turalın maşınında xanım da əyləşmişdi. Arxasında isə qara maşın saxladı. Daha sonra avtomobillərdən düşdülər. Mərhum qıza görə İsmayıl Allahverdiyevi təhqir etdi. Mübahisədən sonra o, qaçmağa başladı, İsmayıl isə belindən silahı çıxararaq Turala atəş açdı".
Ətraflı APA-nın süjetində:
