Aprelin 23-də futbol üzrə Azərbaycan Kubokunda "Qarabağ" "Araz-Naxçıvan"la qarşılaşıb.
Bakuplus.az xəbər verir ki, oyunun 90-cı dəqiqəsindən sonrakı uzatmanın üçüncü dəqiqəsində 3:0 hesabı ilə məğlub olan "Araz-Naxçıvan"ının oyunçusu kobud oyunu ilə diqqət çəkib. Oyunu idarə edən baş hakim Rəvan Həmzəzadə VAR-a baxdıqdan sonra həqiqətən penalti olduğunu özü üçün dəqiqləşdirib. Lakin o, "Araz-Naxçıvan"ın qapısına penalti təyin etməyib.
Azarkeşlərdən biri tərəfindən çəkilən videoda Rəvan Həmzəzadənin bu qərarı əks olunub: "Razıyam sizinlə, uşaqlar. “Penaldır”, amma vermirəm. Oyuna davam edirik".
Daha sonra məlum olub ki, sözügedən epizodda top öncə "Qarabağ"ın futbolçusu Abdullah Zubirin əlinə, daha sonra "Araz-Naxçıvan"ın futbolçusuna dəyir. Buna görə də hakimin bu qərarı ədalətli hesab edilib.
Qeyd edək ki, Tofiq Bəhramov adına Respublika stadionunda baş tutan yarımfinal mərhələsinin cavab oyununda Ağdam təmsilçisi 3:0 hesablı qələbə qazanıb və finala yüksəlib.
