Nərimanov rayonu üzrə Mənzil Kommunal Təsərrüfat Birliyində çalışan işçi iş yükü və saatlarından şikayətçidir.
Bakuplus.az xəbər verir ki, bu barədə Nərimanov ərazisində süpürgəçi işləyən qadının sosial şəbəkələrdə yaydığı etiraz videosunda bildirilib.
Onun sözlərinə görə, qanunla 3500 kv metr yer süpürməlidir. Ancaq o, 8200 kv metr ərazini süpürdüyünü iddia edib.
“Mən 6 yetimə baxıram. Niyə pulum yeyilməlidir? Fəhlə 8 saatdan artıq işləyirsə, pulu verilməlidir. Mən də dincəlmək istəyirəm. Uşaqlarıma yemək bişirmək istəyirəm. Uşaqlarım evdə ağlayır ki, ana, sən evdə yemək bişirmirsən. Çünki yorğun oluram. Evdə uşağımın qulluğunda dura bilmirəm”, - deyə qadın bildirib.
