Nərimanov rayonu, Nəcəf Nərimanov küçəsində tikinti şirkəti piyada səkisini zəbt edib. Bu haqda bu gün, 18 mart tarixində Bakuplus.az ATV-yə istinadən xəbər verir.
Təhsil ocağının yaxınlığında olan səkidən hər gün yüzlərlə tələbə və digər sakinlər keçirlər. Piyada səkisi zəbt olunduğundan onlar avtomobil yoluna çıxmalı olurlar. Bu da onların həyatlarına ciddi təhlükə yaradır.
Tikinti şirkətindən bildirildi ki, Şəhərsalma və Arxitektura Komitəsi inşaata razılıq verib. Səkinin zəbt olunması isə müvəqqətidir. Hələlik sakinlər yolun digər tərəfi ilə hərəkət edə bilərlər.
Şəhərsalma və Arxitektura Komitəsi isə məsələni araşdıracağını qeyd edib.
