Bakının Ağa Neymətulla küçəsində, Nərimanov parkının yaxınlığındakı səkidə yerləşən avtobus dayanacağı piyadalar üçün maneə törədir. Bu haqda bu gün, 21 avqust tarixində Bakuplus.az məlumat verir.
Belə ki, bir neçə ay əvvəl təmirə bağlanan park hasarlanıb. Bu səbəbdən səkinin bir hissəsi çəpərin arxasında qalıb. Səkidə yerləşən avtobus dayanacağı isə digər yarısını “zəbt edib”. Nəticədə piyadalar üçün nəzərdə tutulan səki ilə hərəkət edən şəxslər, xüsusən uşaq arabaları və əlil arabaları daşıyanlar çətinlik çəkirlər.
Məhdudiyyətlər müvəqqəti olsa da, bu problem vətəndaşları yarım ilə yaxındır narahat edir. Sakinlər aidiyyəti qurumlardan müvafiq tədbirlər görməyi xahiş edirlər.
[caption id="attachment_110165" align="alignnone" width="640"]
Foto Bakuplus.az[/caption]
