Masazırda işıqlar sönüb.
Bu barədə Bakuplus.az-a sakinlər məlumat verib.
Məlumata görə, Nizami Gəncəvi, Rafiq Dünyamalıyev, General Həzi Aslanov, Hüseyn Cavid və s. küçələrində elektrik enerjisinin verilməsi dayandırılıb.
Sakinlər yaranmış vəziyyətdən narazıdırlar:
“İstidən nəfəsimiz kəsilir. Kondisionerlər işləmir. İşıqlar tez-tez söndüyü üçün evdəki məişət avadanlıqları sıradan çıxır. Soyuducular işləmir deyə ərzaqlar da yararsız vəziyyətə düşür. Artıq işığın olmamasından bezmişik”.
Masazır sakinləri bu isti günlərdə müvafiq qurumların dərhal əməli addımlar atmasını tələb edir.
