Xətai rayonu, Neapol dairəsində piyada səkisi avtomobil dayanacağına çevrilib.
Bu barədə Bakuplus.az-a müraciət edən sakinlərin sözlərinə görə, sürücülər səkinin böyük hissəsini zəbt edir.
Onların sözlərinə görə, bu cür problemlər əvvəl nadir hallarda yaşansa da, artıq tez-tez baş verməyə başlayıb.
Həmçinin şikayətçilərdən biri bildirib ki, problem tək bununla da bitmir. Belə ki, redaksiyamıza göndərilən görüntülərdən göründüyü kimi səkinin bir qədər irəli tərəfində avtobus dayanacağı var. Ancaq təəssüf ki, avtomobillər onun qarşısını da zəbt edib. Bu da sərnişinlərin avtobusa minməsinə maneə yaradır.
Bundan əlavə, avtobuslar dayanacağa daxil ola bilmədiyi üçün yolun ortasında saxlamağa məcbur olur. Nəticədə yolda tıxac, arxadan gələn sürücülər üçün isə təhlükə yaranır.
Məsələ ilə bağlı Azərbaycan Avyomobil Yolları Dövlət Agentliyinə (AAYDA) sorğu ünvanlamışıq.
