Bakının Nərimanov rayonu, Azadlıq prospekti ilə Nəsib bəy Yusifbəyli küçəsinin kəsişməsində (Bakı Sağlamlıq Mərkəzinin arxası) doqquzmərtəbəli yaşayış binasının həyətində yerüstü dayanacağın əlavə qanunsuz mərtəbəsi tikilir. Bu haqda bu gün, 19 oktyabr tarixində Bakuplus.az Caliber.az-a istinadən məlumat verir.
Sakinlərin sözlərinə görə, layihədə beşmərtəbəli olan parkinqin altıncı mərtəbəsi tikilir.
Azərbaycan Respublikasının Dövlət Şəhərsalma və Arxitektura Komitəsindən də bildirilib ki, Azərdövlətlayihə İnstitutunun təsdiq etdiyi parkinq layihəsi ilə tikinti sahəsi arasında uyğunsuzluq aşkar edilib və icraçıya müvafiq xəbərdarlıq edilib.
İnşa olunan parkinqlə bağlı daha öncə də şikayətlər daxil olub. Sakinlərin sözlərinə görə, parkinq yaşayış binasının düz qarşısında salınıb və onların hərəkətinə mane olur. Əvvəllər yaşayış binalarının yanındakı ərazidə sakinlər üçün kiçik bir dayanacaq və həyət var idi.
[caption id="attachment_117049" align="alignnone" width="640"]
Foto Caliber.az[/caption]
