Sosial şəbəkədə Abşeron Rayon Mərkəzi Xəstəxanasında (RMX) pasiyentin növbə gözləyərkən vəfat etməsi ilə bağlı görüntülər yayılıb.
Azxeber.com xəbər verir ki, hadisə şahidləri pasiyentin səhər saat 05 radələrində Abşeron Mərkəzi Xəstəxanasına gələrək növbə tutduğunu, 6 saat növbə gözlədikdən sonra vəfat etdiyini bildiriblər.
Baş verən hadisənin təfərrüatını öyrənmək üçün TƏBİB-in ictimaitlə əlaqələr şöbəsi ilə əlaqə saxlanılıb.
TƏBİB-dən verilən məlumata görə, görüntülərdəki xəstəxana Abşeron RMX-dır, lakin ölüm faktı qeydə alınmayıb:
"Görüntülərdəki xəstəxana Abşeron Rayon Mərkəzi Xəstəxanasıdır, lakin ölüm faktı qeydə alınmayıb. Görüntülərdəki vətəndaşda isterik nevroz fonunda qıcolma simptomları başlayıb, ona yardım göstərilib".
