Paytaxtda 40 dərəcəyə yaxın isti müşahidə olunduğu halda “Xətai” metrostansiyasının qarşısında quraşdırılan dayanacaqda kondisioner işləmir.
Bu barədə Bakuplus.az -a sakinlər məlumat verib.
“40 dərəcə istidə kondisioner işləmirsə, kimə lazımdı bu dayanacaqlar? Qaça-qaça gəlib giririk dayanacağa ki, sərinləyək, bu da belə. Yaşlısı, xəstəsi var. Əvvəllər yox idi. Fakt indi insanların rahatlığı üçün bu şərait yaradılıb. Bəs niyə düzgün nəzarət edilmir?”
Onların sözlərinə görə, dayanacaqda kondisionerin işlək vəziyyətdə olmaması ilə yanaşı, içəridən çox pis qoxu gəlir və bu da insanları narahat edir.
Şikayətçilər müvafiq qurumların tez bir zamanda tədbir görməsini tələb edir.
