Abşeron rayonu, Xırdalan şəhər 5 nömrəli tam orta məktəbin şagirdi faciəvi şəkildə dünyasını dəyişib.
Musavat.com xəbər verir ki, 11-ci sinif şagirdi Roman Şahvələdli evdə idman edərkən ehtiyatsızlıqdan vəfat edib.
Bu barədə məlumatı vəkil Gülnar Nəzərli verib. Vəkil bildirib ki, Roman evdə idman zamanı karate kəmərindən istifadə edərkən ehtiyatsız davranıb. Bu da onun dünyasını dəyişməsinə səbəb olub.
Məlumata görə, Roman idman edərkən karate kəmərinin onun boğazına dolaşması nəticəsində vəfat edib.
Roman məktəbin nümunəvi şagirdlərindən biri olub. İdmana böyük marağı olan Roman uzun müddət imiş idmanla məşğul olurmuş.
Hadisənin baş verməsində cinayət tərkibi olmadığı üçün Abşeron Rayon Prokurorluğunun qərarı ilə cinayət işinin başlanması rədd edilib.
