1992-ci il fevralın 25-dən 26-na keçən gecə erməni silahlı birləşmələri keçmiş SSRİ-nin 366-cı motoatıcı hərbi alayının ağır texnikası və şəxsi heyətinin dəstəyi ilə Azərbaycanın Xocalı şəhərini işğal etmişdir.
Hücumdan sonra sağ qalan 2500-ə yaxın şəhər sakinləri, evlərini tərk etmək məcburiyyətində qalaraq, gecənin qaranlığında meşəyə tərəf üz tutmuşdurlar. Ağdam şəhəri istiqamətində yola düşən əhali erməni quldur dəstələri tərəfindən xüsusi qəddarlıqla qətlə yetirilmişdir.
Xocalıda öldürülmüş 613 nəfərdən 106 nəfəri qadın, 63 nəfəri uşaq, 70 nəfəri qocadır. 8 azərbaycanlı ailəsi tamamilə məhv edilmişdir. 487 nəfər, o cümlədən 76 uşaq, yaralanmış, 1275 nəfər girov götürülmüşdür. Daimi yaşayış yerlərindən 5379 nəfər qovulmuşdur. Əsir düşən 150 nəfərin, o cümlədən 68 qadının və 26 uşağın taleyi barədə hələ də heç nə məlum deyil.
