Bakının qədimliyi, dəniz sahilində yerləşməsi bir zaman şəhərə xarici rejissor və prodüserləri cəlb edib. Bu səbəbdən onlar çəkiliş qrupları ilə Bakıya üz tutaraq, filmlərinin səhnələrini şəhərdə lentə alıblar. Sizə Bakıda çəkilmiş dünyanın məşhur filmlərini təqdim edirik:
1. 1961-ci ildə Vladimir Korenevin baş rolda çəkildiyi “Amfibiya adam” filminin bir hissəsi məhz Bakıda lentə alınıb. “Əcnəbi” İxtiandrın filmdə ilk dəfə şəhərə çıxdığı yer Bakının bir guşəsidir. Premyeranın ertəsi günü film 1962-ci il kassasının lideri olmuşdu. Onu 65 milyondan çox tamaşaçı izləmişdi. “Amfibiya adam” İtaliyanın Triest şəhərində keçirilən Beynəlxalq Film Festivalında “Gümüş yelkən” mükafatına layiq görülmüşdür. [https://azerhistory.com/?p=8289]
2. Rejissor Rolan Bıkovun 1966-cı ilə aid “Aybolit” filminin əsas səhnələri Bakıda və Xəzər dənizində çəkilib. Bu ekran işi 30-dan artıq dildə yayımlanıb. Dövrünün ən baxımlı uşaq filmi hesab olunur. [https://azerhistory.com/?p=8384]
3. 1969-cu ildə Bakıda “Brilyant əl” filminin çəkilişi baş tutub. Filmdə Azərbaycanın paytaxtı Türkiyənin İstanbulu kimi göstərilib. “Brilyant əl” kinokomediyasının müəyyən epizodları İçərişəhərdə - Qala divarı, Qız qalası, Cümə məscidi, Şirvanşahlar sarayı olan ərazidə lentə alın;b. Filmin ən məşhur səhnəsi isə Kiçik Qala küçəsi? 8-də çəkilib. Bakılılar buranı indi də “Çert poberi!” adlandırırlar. [https://azerhistory.com/?p=8131]
4. 1980-ci ildə SSRİ kinematoqrafçıları Almaniya, İtaliya, Fransa, Britaniyada “Tehran-43” filminin çəkilişlərinə başlayırlar. Filmin bir hissəsi Tehranda lentə alınmalı idi. Lakin həmin illərdə İranda müharibə olduğundan rejissorlar filmin Tehran hissəsini Bakıda çəkməyə qərar verirlər. Filmdə Fransanın məşhur aktyoru Alen Delon çəkilib. [https://azerhistory.com/?p=8186]
5. 1999-cu ildə rejissor Maykl Eptedin Ceyms Bond macəralarına aid “Dünya kifayət deyil” filmi də Bakıda çəkilib. Filmin bəzi səhnələri Bibiheybət qəsəbəsində və Neft daşlarında lentə alınıb.
[URIS id=127305]
