6 noyabr 1926-cı ildə Azərbaycanda ilk dəfə radio verilişlərinin “Danışır Bakı!” ifadəsi ilə yayımına başlanıldı. Buna görə 6 noyabr tarixi Azərbaycanda Radio və Televiziya İşçilərinin Peşə Bayramı Günü kimi qeyd olunur.
Azərbaycan Televiziyası Şərqin ilk televiziyası kimi 1956-cı ildən fəaliyyət göstərir. İlk veriliş günü ekranda mərhum sənətkar Nəcibə Məlikova: “Göstərir Bakı!”- deyə sözə başlayıb. 1973-cü ildən etibarən Bakıda televiziya verilişləri rəngli təsvirlərlə yayımlanıb. Respublikada yayımlanan verilişlərin sayını artırmaq üçün 1996-cı ildə Teleqüllə istismara verilib.
